台灣四句聯的人情世事書寫
主講者: 陳麗琴
台灣吉祥話-----四句聯仔
「四句聯仔講好話」使用兮時機是過年過節、訂婚、迎親、食喜酒、食新娘茶等喜慶宴會、嬰仔度晬、新居落成─入厝等用來表達著祝福、祈求、感謝、心適，甚至是創治兮話句，用來製造鬧熱兮氣氛。
「講好話」兮形式，較完整兮形式是一段四句，每一句七字，所以有「七字仔」兮講法。嘛有一句五字、一句四字兮四句聯仔，有時嘛一寡兩句兮對聯，予人看做簡化兮四句聯仔，毋管任何一種方式，攏講究押韻鬥句。比如：
〈一〉、一句七字：
新娘車門扑開開，金銀財寶歸大堆。新娘囝婿行出來，生囝生孫做總裁。
〈二〉、一句五字：
一銅佮一金，翁某會同心。翁某若同心，烏土變黃金。
〈三〉、一句四字：
今夜洞房，燈燭輝煌，好話盡講，女貌才郎。
〈四〉、簡體對聯：
新娘聊聊仔行，明年緊做阿娘，新娘行入厝，家財年年富。
〈五〉、嫁妝、新房文物台灣諺語
甘蔗吊豬肉─趕白虎，永結同心做翁某。
米蒒─遮日避邪氣。鎮宅平安無代誌。
謝籃─拜祖謝神明，建立幸福兮家庭。
帶路雞─翁某共同來持家。
新烘爐新茶古─翁某恩愛吃到做阿祖。
熨斗─熨予好擱順，一年四季行大運。
收音機─好言好語好同居，翁某互協情依依。
行李箱情人鞋」─翁某腳步永遠行同齊。
五斗櫃─入厝內，事業興旺勿失敗。
洗面架仔梳妝台─抹粉梳妝畫月眉。
龍鳳被鴛鴦枕─成雙對，一生榮華又富貴。
雖然內容有時無古體的含蓄，但是四句聯仔兮內容往往佮生活相結合，表現了心適、祝福、感謝、吉利、甚至創治等兮特色、尤其是以四句為範圍、每一句字數擱平濟，若像一首七絕仔、五絕仔、四言古詩兮詩作，另外擱是全鬥句押韻，所以嘛像一首歌，聽起來入耳，予人喜歡。四句聯佇喜慶等熱鬧場所，大聲唸出來，若像珍珠串聯，一方面表現講者兮口才佮變巧，一方面講吉利好聽話，予聽兮人心適sua2拍， 铺排著熱鬧兮氣氛，表現了人佮人之間兮和諧、友誼。
一.四句聯的舉例:
一.食喜酒四句聯仔
兩性合婚結親情，萬年富貴真好命，新郎新娘愲力拚，早日生著總統囝。
新郎緣投有智慧，新娘可愛又古錐，今暗兩人搡作堆，明年生著李登輝。
新郎體格那虎生，新娘面肉幼綿綿，今暗兩人愛反變，明年生著陳水扁。
新郎勇壯那像牛，新娘才調敖詩詞，今暗兩人勿躊躇，明年生著宋楚瑜。
新郎心適愛拉天，新娘古錐通人見，今暗兩人榾力輾，明年生著一兮連戰。
二.祝賀新喜四句聯仔
炮聲一響迎新正，燈燭輝煌明如鏡，開門大吉在厝企，金銀才報送歸廳。
新年旦爆竹聲，敲鐘擂鼓賀新正，玉女金囝得求人疼， 孫金榜皆提名。
春滿乾坤萬項有，天官賜福應人求，天增歲月人增壽祝福五穀大豐收。
古吹八音鬧呵呵，祝福新年景氣好，男女老幼滿街侳逍遙自在樂陶陶。
炮聲連響連天，士農工商過新年，恭祝家家大發展，男女老幼齊康健。
三.食茶食喜酒講好話
行到厝大埕，予恁一家有出名。行到厝大廳，予恁一好名聲。
大門開開開，予恁錢銀歸大堆。茶杯圓圓圓，予恁富貴萬萬年。
茶杯深深深，予恁翁會某仝心。茶杯捧正正，予恁會得眾人疼。
茶杯捧高高，予恁囝孫中狀元。茶杯捧下下，予恁趁錢無地下。
茶杯捧過來，予恁逐家大發財。茶杯捧過去，予恁逐家有福氣。茶米咻落喉，予恁逐家會出頭。茶米咻一，喙予恁榮華富貴。
二.逐家愛用茶，新娘嫁著好翁婿。逐家愛咻酒，新娶著好牽手。燒酒咻一杯，趁錢像錢樹開花。酒菜大喙吞，予小姐嫁好郎君。燒酒真正芳，予小姐嫁才情翁。燒酒逐家愛，予汝娶著好太太。燒酒咻一喙，予汝榮華兼富貴。燒酒咻乎礁，予恁財富隨增加。逐家食乎飽，予恁子女攏乖巧。
文化需要傳承，才會久久長長。語言是文化的根，文字是保存文化兮重要工具。若無文字記載流傳，日子一下久，連鞭著會走精，甚至消失去。身為企在第一線兮妳我，若會當共同打拚，來種作即片強欲拋荒去兮母語園地，雖然百花齊開，抉當蕊蕊蕊齊美，一開始教母語 毋是枒枒khe7著是脫棰，只要有耐心，定定 說佮唱兮方式，來表現母語兮趣味化、生活化、簡單化、慢慢培養學生聽、說、寫兮能力積極推展 咱兮鄉土語言教學、正是時陣。
留言列表
